ڕۆژا سێشەمبێ ڕێکەفتی (٢٠٢٦/٩/١٥) ڕێزدار سەرۆکێ زانکۆیا زاخۆ (پ.د. دیار عبدالکریم سەعید)، پشکداری د رێورەسمێن ئێکەمین کۆنفرانسێ ناڤدەولەتی یێ زانستێن کرداری و گەشەپێدانێ (ICASD2026) دا کر، کو ل هۆلا کۆنفرانسێن زانکۆیا ئاکرێ بۆ زانستێن کرداری هاتە گێران.
ئەڤ مەراسیمە ب ئامادەبوونا شیرەتکار و نوینەرێ  وەزیرێ خواندنا بلند و ڤەکۆلینێن زانستی (د. سەباح ئیبراهیم وەیس)، سەرۆکێ زانکۆیا ئاکرێ بۆ زانستێن کرداری (د. منهل الهام عبدال)، و هژمارەکا بەرچاڤ ژ سەرۆک زانکۆیێن هەرێما کوردستانێ، ئەندامێن پەرلەمانێ کوردستانێ و جڤاتا نوێنەرێن عێراقێ، بەرپرسێن دامودەزگەهێن حکومی و کەسایەتیێن ئەکادیمی و ڤەکۆلەران بڕێڤەچوو.
ئەڤ کۆنفرانسە کو بۆ دەمێ دو ڕۆژان (١٥ بۆ ١٦ی ئەیلوولێ) یێ بەردەوامە، وەکو گاڤەکا گرنگ و ستراتیژی دهێتە دیتن بۆ پێشڤەبرنا زانستێن کرداری و گرێدانا وان ب پێدڤیاتییێن بازارێ کاری و پرۆسەیا گەشەپێدانا بەردەوام ل هەرێما کوردستانێ.
هەژی گۆتنێ یە؛ ل ئێکەمین ڕۆژا کۆنفرانسی، پشتی پێشکێشکرنا پەیڤێن بخێرهاتنێ و دەستپێکێ، ب پشکداریا ئامادەبوویان دوو پانێلێن زانستی یێن گرنگ دەربارەی پێدڤیاتییێن دامەزراوێن زانستێن کردارەکی و گونجاندنا پرۆگرامێن خواندنێ دگەل خواستا بازارێ کاری هاتنە ئەنجامدان.